Ագրարային համալսարանի ընդունելության խայտառակ պատկերն այսօրվա դրությամբ

Բուհերի ընդունելության քննությունների հայտագրման ավարտին մնացել է 5 օր:

Yerkir.am-ը նկատել է, որ, ինչպես անցած տարիներին, այս տարի ևս Հայաստանի ազգային ագրարային համալսարանում արձանագրվել է խայտառակ պատկեր:

Համալսարանի գյուղատնտեսական 16 մասնագիտություններում հայտագրվել է ընդամենը 37 դիմորդ:

Այնպիսի մասնագիտություններում, ինչպիսիք են «Ագրոարդյունաբերության տեխնոլոգիաներ», «Ագրոմեխատրոնիկա և ճշգրիտ ռոբոտատեխնիկա», «Ագրոէկոլոգիա», «Անտառային տնտեսություն և բնակավայրերի կանաչապատում», «Կենդանագիտություն և կենսատեխնոլոգիա» և «Անասնաբուժական սանիտարական փորձաքննություն», ընդհանրապես դիմորդներ չկան:

«Ագրոնոմիա, սելեկցիա և գենետիկա», «Բույսերի պաշտպանություն», «Ճշգրիտ գյուղատնտեսություն», «Մեքենասարքավորումների ճարտարագիտություն» մասնագիտություններում հայտագրվել է մեկական դիմորդ:

Համեմատության համար նշենք, որ Վանաձորի պետական համալսարանում հայտագրվել է 251, Շիրակի համալսարանում՝  185, Գորիսի համալսարանում՝ 38, Գավառի համալսարանում՝ 49, իսկ ԵՊՀ-ում՝ 1935 դիմորդ:

Ահա այսպիսի մակարդակի են հասցրել ագրարային համալսարանը ԿԳՄՍ նախարար, Աջափնյակի մետրոյի ճակատագրին արժանացող  ակադեմիական քաղաքի երախտավոր տիկին Ժաննա Շինարարն ու ռեկտոր պարոն Հրաչյան: