Երուսաղեմում երկու հրեա կին թքել են Սուրբ Հակոբ վանքի մուտքի մոտ

Երուսաղեմի հայկական թաղամասում գտնվող Սուրբ Հակոբ վանքի մուտքի մոտ տեղադրված տեսախցիկը արձանագրել է երկու հրեա կանանց, որոնք թքում են եկեղեցու ուղղությամբ, ինչը ևս մեկ ակնհայտ կրոնական թշնամանքի դրսևորում է, որն ուղղված է Հայ եկեղեցու ամենասուրբ վայրերից մեկի դեմ։Այդ մասին հգայտնում է «301» լրատվականը։

Տեսանյութից երևում է, թե ինչպես կինը նայել է վանքի ներսը, ենթադրաբար ճանաչել է այն որպես քրիստոնեական կրոնական վայր, և դիտավորյալ թքել է մուտքի մոտ։

Վերջին միջադեպը հաջորդել է Երուսաղեմում հայ քրիստոնյաների և նրանց կրոնական հաստատությունների դեմ ամիսներ շարունակ կրկնվող հետապնդումներին, վիրավորանքներին և հարձակումներին։

Օգոստոսի 2-ին վեց հրեա իսրայելցիներ ձերբակալվել են վանքի վրա թքելու, դարպասներին հարվածելու և համալիրի վրա քարեր նետելու համար։ Սեպտեմբերին մեկ այլ տղամարդ նկարահանվել է վանքի պատին միզելու փորձ կատարելիս։ Հոկտեմբերի 29-ին մի իսրայելցի տղամարդ թքել է մուտքի մոտ և վիրավորել հայ անվտանգության աշխատակցին և այնուհետև հարձակվել է նրա վրա։

Կրոնական ազատության տվյալների կենտրոնը 2026 թվականի հուլիսից սեպտեմբեր ընկած ժամանակահատվածում 96 միջադեպում գրանցել է 106 հալածանքի դեպք։ Երուսաղեմի ներսում գրանցված 77 դեպքերից 45-ը տեղի են ունեցել Հայ պատրիարքարանի փողոցում՝ ընդգծելով հայ համայնքի անարդարացի հալածանքների ենթարկվելու փաստը ։ Սուրբ Հակոբոսի վանքը Հայ Պատրիարքական Եկեղեցու տունն է և գտնվում է ավելի քան 1700 տարվա պատմություն ունեցող հայ քրիստոնեական ներկայության կենտրոնում։

Չնայած կրկնվող միջադեպերին և ձերբակալություններին, մտահոգող են մնում Իսրայելի իշխանությունների արձագանքի արդյունավետության և կրոնական հետապնդումների համար հետևողական իրավական պատասխանատվության բացակայությունը։

Կոգհամ Բալյան, «301» թղթակից»։