Բեռնատարը կամրջի տակով անցնելիս բախվել է բետոնե ծածկին, կոնտեյները պոկվել և հայտնվել է ճանապարհին

Այսօր արտակարգ պատահար է տեղի ունեցել Երևանում։

Ժամը 17:40-ի սահմաններում «SCANIA»  մակնիշի բեռնատարը Թամանցիների փողոցում՝ մետրոյի «Գործարանային» կայարանի մոտ, կամրջի տակով անցնելիս բախվել է բետոնե ծածկին, ինչի հետևանքով  կոնտեյները բեռնատարի վրայից պոկվել և հայտնվել է ճանապարհին։ 

Ինչպես դեպքի վայրից հայտնում է ֆոտոլրագրող Գագիկ Շամշյանը, տուժածներ չկան, սակայն վնասվել է այդ պահին նշված վայրով անցնող «Tesla» մակնիշի ավտոմեքենան։

Դեպքի վայր է ժամանել շտապօգնության բժիշկների հերթապահ խումբը, սակայն բեռնատարի վարորդը հրաժարվել է բժշկական օգնությունից՝ ասելով, որ ինքը վնասվածքներ չի ստացել։

Դեպքի փաստով փաստաթղթեր են կազմվել։