Եվրոպացիները կմիանան Ուկրաինայի հարցով բանակցությունների հաջորդ փուլին. Ուիթքոֆ

Եվրոպայի ներկայացուցիչները կմասնակցեն Ուկրաինայում պատերազմի կարգավորման շուրջ բանակցությունների հաջորդ փուլին։ Այս մասին նոյեմբերի 12-ին Կրեմլում Ռուսաստանի նախագահ Վլադիմիր Պուտինի հետ հանդիպումից հետո հայտարարել է ԱՄՆ նախագահի հատուկ բանագնաց Սթիվ Ուիթքոֆը։

Մոսկվայում բանակցություններից հետո Ուիթքոֆը և ԱՄՆ նախագահի փեսա Ջարեդ Քուշները մեկնել են Դուբլին, որտեղ նախատեսվում է  հանդիպել Ուկրաինայի նախագահ Վլադիմիր Զելենսկու հետ։

Աբու Դաբիում անցկացված ԱՄՆ-ի, Ռուսաստանի և Ուկրաինայի ներկայացուցիչների եռակողմ բանակցությունների արդյունքում կողմերը հայտնել են որոշակի առաջընթացի մասին, սակայն էական տարաձայնությունները, դրանց թվում՝ տարածքային հարցերի շուրջ, պահպանվում են։

Քուշները, որը նույնպես մասնակցել է Պուտինի հետ հանդիպմանը, հայտարարել է, որ ամերիկյան կողմը եվրոպացիների դիրքորոշման մեջ «մեծ փոփոխություններ» է նկատել և ակնկալում է, որ բանակցային ձևաչափի ընդլայնումը չի խոչընդոտի խաղաղության համաձայնագրի ուղղությամբ առաջընթացին։

Ռուսաստանի նախագահն իր հեթին Վաշինգտոնին կոչ է արել աշխատել եվրոպացի դաշնակիցների հետ, որպեսզի նրանք հստակեցնեն, թե ինչ են ուզում՝ խաղաղությո՞ւն, թե՞ պատերազմ Ուկրաինայում։