ՄԱԿ-ի գլխավոր քարտուղարը Մոսկվային եւ Կիեւին խնդրել է քառօրյա հրադադար հաստատել

ՄԱԿ-ի գլխավոր քարտուղար Անտոնիու Գուտերեշը Մոսկվային եւ Կիեւին առաջարկել է ապրիլի 21-ից քառօրյա «Զատկի զինադադար» հաստատել:

«Այսօր ես կոչ եմ անում չորսօրյա մարդասիրական դադար ԱԱվագ շաբաթվա ընթացքում՝ սկսած Ավագ հինգշաբթի օրվանից մինչեւ Զատկի կիրակի (ապրիլի 24), որպեսզի բացվեն մի շարք մարդասիրական միջանցքներ», — լրագրողներին ասել է Գուտերեշը, գլխավոր քարտուղարի խոսքը մեջբերում է ՌԻԱ Նովոստին:

Ապրիլի 19-ին Ռուսաստանի Պաշտպանության նախարարությունում հայտնել են Մարիուպոլում «Ազովստալ» - ից զինվորականների եւ զինյալների դուրս գալու (որոնք կամավոր վայր կդնեն զենքը) համար Մոսկվայի ժամանակով 14:00-ին մարդասիրական միջանցք բացելու մասին: