Իրանը և Ռուսաստանը քննարկել են երկու երկրների էլեկտրացանցերի միավորման հեռանկարը

Իրանի էներգետիկայի նախարար Ռեզա Արդաքանիյանը Ռուսաստանի իր գործընկեր Ալեքսանդր Նովակի հետ կայացած հեռախոսազրույցի ընթացքում քննարկել է Ադրբեջանի, Վրաստանի կամ Հայաստանի տարածքով երկու երկրների էլեկտրացանցերի միավորման հեռանկարը: Այդ մասին հայտնել է ТАСС-ը`  Իրանի էներգետիկայի նախարարության պաշտոնական կայքին հղումով:

Բացի այդ` նախարարները պայմանավորվել են Թեհրանում և Սպահանում միջկառավարական հանձնաժողովի եռօրյա նիստ անցկացնելու մասին, որը պետք է սկսվի հունիսի 16-ին:

Կողմերը նաև որոշել են մայիսի 15-ին Իրանի մայրաքաղաքում կազմակերպել համաժողով՝ նվիրված Իրանի և Հյուսիսային Կովկասի տնտեսական ու առևտրական համագործակցությանը: