Վարչապետի հորդորը` իր թիմակիցներին. Հովիկ Աբրահամյանը մասնակցեց հանրաքվեին

ՀՀ վարչապետ Հովիկ Աբրահամյանը մասնակցեց սահմանադրական փոփոխությունների հանրաքվեի քվեարկությանը: Նա ընտրում էր Երևանի Մաշտոցի անվան համալսարանում տեղակայված 10/8 տեղամասում:

Լրագրողների հետ զրույցում Աբրահամյանը նշեց, որ քվեարկել է հանուն երկրի կայուն ապագայի և զարգացման: «Համոզված եմ` օրը բարի է ժողովրդի համար: Մենք էլ մեր հերթին ամեն ինչ արել ենք, որ հանրաքվեն անցնի ազատ ու թափանցիկ: Հորդորում ենք մեր թիմակիցներին` լինել անաչառ և արջի ծառայություն չմատուցել ու սադրանքների չգնալ` ապահովելով թափանցիկ քվեարկություն:  Կոչ եմ անում բոլորին՝ հասարակությանը տալ հնարավորություն, և հասարակությունը որոշի «այո»-ն կամ «ոչ»-ը»,- ասաց վարչապետը: