Փետրվարի 3-5ին Հ.Յ.Դ. երիտասարդ անդամ, Ը.Ե.Մ.Մ.-ի փոխնախագահ Սարինե Աբրահամյանը մասնակցեց Պոլիս քաղաքում Ը.Ե.Մ.Մ.-ի նախագահության լիագումար նիստին:

Ժողովը կազմակերպել էր Թուրքիայի Հանրապետական ժողովրդական կուսակցության (CHP) երիտասարդական կազմակերպության կողմից, որը Ը.Ե.Մ.Մ.-ին անդամակցում է դիտորդական կարգավիճակով:

Ժողովի ընթացքում ճշտվեցին Ը.Ե.Մ.Մ.-ի անելիքները 2023ին և որդեգրվեց Միջազգային Միության քաղաքական և կազմակերպական աշխատանքային քարտեզը:

Ընկերուհի Սարինեն Թուրքիայի Հանրապետական ժողովրդական կուսակցության (CHP) երիտասարդական կազմակերպության ներկայացուցիչներին բարձրաձայնեց իր մտահոգությունները Թուրքիայի արտաքին քաղաքականության վերաբերյալ, մասնավորապես Հայաստան Ադրբեջան հակամարտության վերաբերյալ Թուրքիայի դերակատարության և տարածաշրջանում խիստ ապակայունացնելու նպատակների մասին: Սարինե Աբրահամյանը ներկայացրեց, որ Հայաստան-Թուրքիա հարաբերությունները խորապես վտանգվեցին հատկապես Թուրքիայի բացահայտ միջամտության պատճառով 44-օրյա պատերազմին, ավելացնելով, որ հայ հասարակությունը ունի բացասական վերաբերմունք հայ-թուրքական հարաբերությունների վերականգման վերաբերյալ:

Սարինե Աբրահամյանը, հանդիսանալով Սև Ծովյան տարածաշրջանի պատասխանատու, ներկայացրեց տարածաշրջանում կարևորագույն քաղաքական զարգացումների մասին ու նաև մանրամասն զեկուցեց Արցախի շրջափակման և տիրող հումանիտարային ծանր իրավիճակի վերաբերյալ:

Հիշեցնենք, որ 2022թ-ի դեկտեմբերին IUSY-ն պաշտոնական հայտարարությամբ խիստ դատատապարտել էր Ադրբեջանի էթնիկ զտման քաղաքականությունը և կոչ արել անհապաղ և առանց նախապայմանների վերաբացել Բերձորի (Լաչինի) Միջանցքը:

Ը.Ե.Մ.Մ.-ի փոխնախագահը նաև այցելեց Ժողովուրդների դեմոկրատական կուսակցության (HDP) ներկայացուցիչներին, երիտասարդական թևի ներկայացուցիչներին և նաև Թուրքիայի խորհրդարանի HDP-ի անդամներին: Սարինե Աբրահամյանը HDPի ներկայացուցիչների հետ քննարկեց Թուրքիայում HDP կուսակցության անդամների և ընդհանրապես փոքրամասնությունների խնդիրների և դժվարությունների մասին և նրանց նկատմամբ հետապնդումներ և ճնշումներ իրականացնելու նկատմամբ:

Հ.Յ.Դ. անդամը նաև հանդիպել է Ակօս-ի գլխավոր խմբագրին՝ Բագրատ Էստուկյանին և այցելել է հայկական թաղամաս, Սուրբ Աստվածածին եկեղեցի և Պեզճյան մայր վարժարան:

Հ.Յ.Դ. Բյուրոյի Երիտասարդական Գրասենյակ

Արեւմտահայերեն տարբերակը՝ ստորեւ

_{^{Սարինէ Աբրահամեանը մասնակցեց Պոլիս քաղաքում Ը.Ե.Մ.Մ.-ի լիագումար նիստին}}

Փետրուարի 3-5-ին ՀՅԴ երիտասարդ անդամ, Ը.Ե.Մ.Մ.-ի փոխնախագահ Սարինէ Աբրահամեանը մասնակցեց Պոլիս քաղաքում ԸԵՄՄ-ի նախագահութեան լիագումար նիստին:

Ժողովը կազմակերպել էր Թուրքիայի Հանրապետական ժողովրդական կուսակցութեան (CHP) երիտասարդական կազմակերպութեան կողմից, որը Ը.Ե.Մ.Մ.-ին անդամակցում է դիտորդական կարգավիճակով:

Ժողովի ընթացքում ճշտուեցին Ը.Ե.Մ.Մ.-ի անելիքները 2023ին եւ որդեգրուեց Միջազգային Միութեան քաղաքական և կազմակերպական աշխատանքային քարտեզը:

Ընկերուհի Սարինէն Թուրքիայի Հանրապետական ժողովրդական կուսակցութեան (CHP) երիտասարդական կազմակերպութեան ներկայացուցիչներին բարձրաձայնեց իր մտահոգութիւնները Թուրքիայի արտաքին քաղաքականութեան վերաբերեալ, մասնաւորապէս Հայաստան Ազրպէյճան հակամարտութեան վերաբերեալ Թուրքիայի դերակատարութեան և տարածաշրջանում խիստ ապակայունացնելու նպատակների մասին: Նա ներկայացրեց, որ Հայաստան-Թուրքիա յարաբերութիւնները խորապէս վտանգուեցին յատկապէս Թուրքիայի բացայայտ միջամտութեան պատճառով 44-օրեայ պատերազմին, աւելացնելով, որ հայ հասարակութիւնը ունի բացասական վերաբերմունք հայ-թուրքական յարաբերութիւնների վերականգման վերաբերեալ:

Սարինէ Աբրահամեանը, հանդիսանալով Սեւ Ծովեան տարածաշրջանի պատասխանատու, ներկայացրեց տարածաշրջանում կարևորագոյն քաղաքական զարգացումների մասին ու նաև մանրամասն զեկուցեց Արցախի շրջափակման և տիրող մարդկային ծանր իրավիճակի վերաբերեալ:

Յիշեցնենք, որ 2022թ-ի դեկտեմբերին IUSY-ն պաշտօնական յայտարարութեամբ խիստ դատատապարտել էր Ազրպէյճանի էթնիկ զտման քաղաքականութիւնը և կոչ արել անյապաղ և առանց նախապայմանների վերաբացել Բերձորի (Լաչինի) Միջանցքը:

Ը.Ե.Մ.Մ.-ի փոխնախագահը նաև այցելեց Ժողովուրդների ժողովրդավարական կուսակցութեան (HDP) ներկայացուցիչներին, երիտասարդական թեւի ներկայացուցիչներին և նաև Թուրքիայի խորհրդարանի HDP-ի անդամներին եւ HDP-ի ներկայացուցիչների հետ քննարկեց Թուրքիայում HDP կուսակցութեան անդամների և ընդհանրապէս փոքրամասնութիւնների խնդիրների և դժուարութիւնների մասին և նրանց նկատմամբ հետապնդումներ և ճնշումներ իրականացնելու նկատմամբ:
Հ.Յ.Դ. անդամը նաև հանդիպել է Ակօս-ի գլխաւոր խմբագրին՝ Բագրատ Էստուկեանին և այցելել է հայկական թաղամաս, Սուրբ Աստուածածին եկեղեցի և Պեզճեան մայր վարժարան:

Հ.Յ.Դ. Բիւրոյի Երիտասարդական Գրասենեակ