Թող գարունը բարի լինի. Րաֆֆի Հովհաննիսյան

«Ժառանգության» ղեկավար Րաֆֆի Հովհաննիսյանն Ազատության հրապարակում հրավիրած բացօթյա ասուլիսի ժամանակ նախ շնորհավորեց հավաքվածներին գարնան առաջին օրվա կապակցությամբ, ապա անուն առ անուն հիշեց մարտիմեկյան զոհերին: Նա երդվեց, որ հայ հողի վրա այլևս հայ մարդու արյուն չի թափվելու:

«Այս լռության ուխտի ընթացքում թող յուրաքանչյուրն իր մեջ վերլուծի, թե ինչպես եղավ Մարտի 1-ը, ով էր մեղավոր»,- հայտարարեց նա և հավելեց, որ Մարտի 1-ի կազմակերպիչները պետք է պատասխանատվություն կրեն:

Այս պահին Րաֆֆի Հովհաննիսյանը պատասխանում է լրագրողների հարցերին, որից հետո իր համակիրների հետ կշարժվի դեպի Մյասնիկյանի արձան` հարգանքի տուրք մատուցելու մարտիմեկյան զոհերի հիշատակին: «Պետք է լռությամբ հարգենք մեր զոհերին»,- հայտարարեց Հովհաննիսյանը: