Սպասել են, որ գարունը գա, ծառերը կանաչեն, որ ծառերի միջից չերևան. Զարզանդը՝ դեպքի մասին

Մեր մարզպետն Աստծու պահած մարդ ա, որ գյուլլից մի հատը չի կպե: Այս մասին yerkir.am-ի հետ զրույցում ասաց Սյունիքի մարզպետ Սուրիկ Խաչատրյանի օգնական Զարզանդ Նիկողոսյանն՝ անդրադառնալով մարզպետի դեմ մահափորձին:

Հարցին` հնարավոր է կատարվածը Գորիսի վերջին դեպքերի հետ կապված լինեն, Զարզանդը նշեց, որ դա ոչ ոք չի կարող ասել:

Նկարագրելով դեպքը` նա պատմեց. «Անտառի մեջ նստած ա եղել, անտառի մեջ սպասելուց ա եղել: Չեմ կարա ասեմ` մի հոգի ա՞ եղել, թե՞ մի քանի: Հնարավոր ա` մի ամիս, երկու ամիս, երեք ամիս ճանապարհներն ուսումնասիրել են, հատուկ էդ պավառոտն ընտրել են, որ ինքը ավտոն ավելի շատ դանդաղացնի, սպասել են, որ գարունը գա, ծառերը կանաչեն, որ ծառերի մեջից չերևան: Դա մի օրվա, էրկու օրվա բան չի...»:

Զարզանդի խոսքով՝ կրակոցները հնարավոր է` մեկ րոպեի չափ տևած լինեն: