Գեղամ Մանուկյանը դիմել է ԱԱԾ-ի նկուղում պահվող Միքայել Արզումանյանին այցելելու թույլտվության համար ու մերժում է ստացել․ Կարեն Վրթանեսյան

Ռազմական փորձագետ Կարեն Վրթանեսյանը ֆեյսբուքյան էջում գրում է․

«Պատգամավոր Գեղամ Մանուկյանը դիմել է ԱԱԾ-ի նկուղում պահվող ՊԲ նախկին հրամանատար Միքայել Արզումանյանին այցելելու թույլտվություն ստանալու համար ու մերժում է ստացել։

«Գոլոսը» նյութ է հրապարակել Արզումանյանի կալանավորման, նրա դեմ հարուցված գործի որոշ մանրամասնությունների մասին շատ դիպուկ վերնագրով. «ԱԱԾ-ի նկուղում՝ Ալիևի անձնական հրահանգով»։

Ակնհայտ է, որ մեղադրանքների տակ հիմք չկա ու ընդհանրապես մեծ հարց է. եթե նիկոլական վարչակարգն ասում է, որ Արցախի հետ գործ չունի, ի՞նչ հիմնավորմամբ է Արցախի զինվորականին պահում բանտում։

Այնուամենայնիվ նիկոլական դատավորները մի քանի անգամ կալանավորման ժամկետը երկարացրել են և գեներալ Արզումանյանը 6 ամսից ավելի է՝ բանտում է»։