Էրդողանը կայցելի Շուշի

Թյուրքալեզու երկրները պետք է աջակցեն Ադրբեջանի` 44-օրյա պատերազմի արդյունքում հայկական օկուպացիայից ազատագրված տարածքները վերականգնելու ջանքերին.  ըստ «Անադոլուի` այս մասին հայտարարել է Թուրքիայի նախագահ Ռեջեփ Թայիփ Էրդողանը Թյուրքալեզու պետությունների համագործակցության խորհրդի (Թյուրքական խորհուրդ) ոչ պաշտոնական գագաթնաժողովում:

Էրդողանը նաև նշել է, որ Ռամադանի տոնից հետո կայցելի թշնամուն հանձնված հայոց բերդաքաղաք Շուշի:

Թուրքիայի նախագահը կրկին շնորհավորել է Ադրբեջանի ղեկավարությանը և ժողովրդին Ղարաբաղում «պատմական հողերի ազատագրման կապակցությամբ»:

«Կարևոր է, որ թյուրքալեզու երկրները շարունակեն աջակցել Ադրբեջանին Ղարաբաղում թյուրքական հուշարձանների պահպանության և վերականգնման գործում»,- ասել է Էրդողանը:

Հիշեցնենք, որ Ռամադան տոնը ավարտվում է մայիսի 12-ին։