Ղրղզստանը 110 միլիոն դոլարի վարկ կստանա ԵՏՄ-ի միջոցով

ՌԴ նախագահ Վլադիմիր Պուտինը հայտարարել է, որ Ղրղզստանը 110 միլիոն դոլարի վարկ կստանա Եվրասիական տնտեսական միության զարգացման ինստիտուտների միջոցով. հայտնում է РИА Новости-ն:

«Մեր երկրների տնտեսական աճի, ֆինանսական կայունության ապահովման հրատապ հարցերի լուծման գործում կարևոր դեր են խաղում Եվրասիական զարգացման բանկը և նրա կողմից կառավարվող Կայունացման և զարգացման եվրասիական հիմնադրամը: Բանկը էական դեր է կատարում խոշոր ներդրումային նախաձեռնությունների իրականացման գործում: Այդ նպատակների իրականացման համար արդեն նախատեսված է մոտ 4 միլիարդ դոլար: Նման համագործակցության վերջին օրինակը Ղրղզստանի Հանրապետությանը երկրում ենթակառուցվածքային կոնկրետ նախագծերի ֆինանսավորման համար 110 միլիոն դոլար վարկի տրամադրման մասին վերջերս ստորագրված համաձայնագիրն է»,- ասել է ՌԴ նախագահը: