Բանակը բերվել է մարտական վիճակի

Yerkir.am-ի հավաստի տեղեկություններով` պաշտպանության նախարարության` մարտական հերթապահություն չիրականացնող զորամասերը Սերժ Սարգսյանի` վաղը կայանալիք երդման արարողության կապակցությամբ բերվել են մարտական` առաջին պատրաստականության վիճակի: Ըստ մեր հավաստի աղբյուրների` զինվորականներին արդեն հրահանգել են, թե անհրաժեշտության դեպքում ով ինչ դիրք է զբաղեցնելու եւ ինչ առաջադրանք կատարելու:

Yerkir.am-ին հայտնի է դարձել, որ նման հրահանգ են ստացել, մասնավորապես` Երեւանում եւ Երեւանին հարակից տարածքներում տեղակայված զորամասերը, որոնք արդեն կազմ-պատրաստ սպասում են հետագա հրահանգների:

Հիշեցնենք, որ վաղը` ապրիլի 9-ին, պետք է կայանա Սերժ Սարգսյանի երդման արարողությունը, եւ Րաֆֆի Հովհաննիսյանն ու նրա կողմնակիցները պատրաստվում են խոշոր հանրահավաք ու երթ կազմակերպել Երեւանում: