ԺՈՂՈՎՈՒՐԴ. Հալալ ա

Մամուլով հաղորդվել էր («Երկիր» օրաթերթ), որ ՀՀ նախագահի նստավայրում` ճակատային շինության հետնաբակում, շահագործման է հանձնվել նոր մասնաշենք: Շինարարական այդ աշխատանքներն ու կահավորումը ֆինանսավորվել են ոչ թե պետբյուջեից, այլ մասնավոր աղբյուրներից:

Ենթադրվում է,  որ այդ մասնավոր աղբյուրը ՀՀ նախագահի աշխատակազմի ղեկավար Կարեն Կարապետյանն է, որը դրանից առաջ էլ հանդես էր գալիս նախագահականում բարեգործական ձեռնարկներով:

Մասնավորապես` նրա ֆինանսական փոխհատուցմամբ է, որ նախագահականի բուֆետի ճաշացանկի գները նախկինի համեմատ իջել են: Այսինքն` Կարեն Կարապետյանն իր գրպանից վճարում է թանկ սննդամթերքի համար, բայց Սերժ Սարգսյանի «խաթեր» էժան գին են հաշվում եւ գանձում նախագահականի աշխատակիցներից, դրա համար էլ այնտեղ բոլորը գոհ ու երջանիկ են:

Նույնիսկ, ինչպես պատկերավոր փոխանցեց մեր զրուցակիցը, «նախագահականում բոլորը Կարենի հաշվին են մեռնում կամ ամուսնանում»: