Այս խաղաղությունից արյան հոտ է գալիս. Թովմաս Առաքելյան

Թովմաս ուրարակիր Առաքելյանը գրում է․

«Երկու զուգահեռ իրականություն. մի կողմում թուրքը պաշտոնապես հաստատում է, որ Անիի Մայր Տաճարը վերածում է մզկիթի, իսկ մյուս կողմում հայը (!?) Արարատ լեռան պատկերը հանում է ՀՀ մուտքի անձնագրային կնիքի վրայից:

Թշնամանքի ու դավաճանության արանքում ճզմվելով՝ մեր սրտերը գոռում են. «Տե՜ր, ողորմյա»: Այս խաղաղությունից արյան հոտ է գալիս:

Սիրելինե՛ր, «Վերև» ուխտագնացությունների ծրագիրը հրավիրում է յուրաքանչյուրիդ զերծ մնալ Հայրենիքը «պատմականի» և «իրականի» բաժանելու կեղծ մտայնությունից: Հայրենիքը մեկն է, իսկ մենք ընտրում ենք՝ լինե՞լ, թե՞ չլինել նրան հավատարիմ:

Դեպի Էրգիր մեր հաջորդ ուխտագնացությունը հոկտեմբերի 17-19-ն է լինելու (ուրբաթ-կիրակի): Միասին կլինենք Անիում, Կարսում, Վանում, Բայազետում ու Մուշում՝ դասեր քաղելով անցյալից հանուն Հայոց գալիք Հաղթանակի»: