«Եկեղեցին ժողովրդինն է» տրամաբանությամբ գնալու դեպքում հասնելու ենք լավագույն դեպքում անգլիական լյութերական եկեղեցի․ քաղաքագետ

Քաղաքագետ Արա Պողոսյանը գրում է.

««Եկեղեցին ժողովրդինն է» տրամաբանությամբ գնալու դեպքում հասնելու ենք լավագույն դեպքում անգլիական լյութերական եկեղեցի, Նիկոլն էլ հայտարարելու է, որ այսուհետ ինքն է այդ եկեղեցու գլուխը։

Բայց ազգային Եկեղեցու մասին խոսելիս մեծագույն մեղք և հանցանք է ժողովրդին խառնելն ու ժողովրդի անունից Եկեղեցու դավանաբանության և նվիրապետության դեմ հաշվեհարդար տեսնելը։

Այս պահին, թույլ տալ հեղափոխական ճանապարհով Եկեղեցու հարցերին միջամտություն, նշանակում է նպաստել Եկեղեցու` որպես կուռ կառույցի, փլուզմանը։

Եթե հասունացել են ներքին բարեփոխումներ, ապա դրանք կարելի է անել միայն այն դեպքում, երբ բացառված է դրսից ճնշումը, և ամեն ինչ ներքին նախաձեռնություն է։

Ես համարում եմ, որ այս փուլում ցանկացած զիջում արտաքին ճնշումներին, որոնք հատկապես խրախուսվում են Ադրբեջանից և Թուրքիայից, դավաճանություն և հանցանք է Տիրոջ, Հայ ժողովրդի, Եկեղեցու առաջ։