«Զորավար Անդրանիկ 160»․ Մուշեղ Իշխանի անվան N 5 դպրոցում թևածում էր ազգային շունչն ու ոգին

Երևանի  Մուշեղ Իշխանի անվան N 5 դպրոցում թևածում էր ազգային շունչն ու ոգին։ 7-րդ դասարանի աշակերտները մեծ շուքով ու ոգևորությամբ էին պատրաստվել Անդրանիկ Օզանյանի 160-ամյակին նվիրված միջոցառմանը։  Դասղեկ  Լիլիթ Հարությունյանի խոսքով՝ միջոցառման խորհուրդը նաև մեր օրերի մասին է՝ անցալի հաղթանակները մերօրյա մատաղ սերնդին ճանաչելի դարձնելու և փոխանցելու առումով։

Դպրոցի տնօրեն Էլլադա Հովհաննիսյանը ևս կարևորեց միջոցառումը, որին մասնակից աշակերտը, ըստ նրա, վաղվա զինվորն ու սահման պահողն է լինելու։

Իսկ միջոցառմանը ներկա այլ դպրոցների տնօրենները,  չթաքցնելով իրենց հիացմունքը, դասղեկին ու աշակերտներին հրավիրեցին իրենց դպրոց՝ միջոցառումը նաև  իրենց աշակերտներին ներկայացնելու համար։

Մուշեղ Իշխանի անվան N 5 դպրոցի 7-րդ դասարանի այսօրվա միջոցառումը կներկայացվի նաև մշակութային այլ կրթոջախում։  

Օրվա ամենատպավորիչ միջոցառման մասին մանրամասնում է տեսանյութը։