Անհրաժեշտության դեպքում Թուրքիան կաջակցի եղբայրական ժողովուրդներին. Էրդողան

Ղարաբաղի «ազատագրման» պայքարում և 44-օրյա պատերազմում տարած հաղթանակում ադրբեջանցի եղբայրներին ցուցաբերվող աջակցությունը գրավել է աշխարհի ուշադրությունը. ըստ Anadolu-ի` հայտարարել է Թուրքիայի նախագահ Ռեջեփ Թայիփ Էրդողանը Ստամբուլում` Թուրքիայի Ազգային պաշտպանության համալսարանում ելույթ ունենալիս:

Ըստ նրա՝ Արցախյան պատերազմի ժամանակ Ադրբեջանին ցուցաբերված աջակցությունը ևս մեկ անգամ ցույց տվեց աշխարհին Թուրքիայի ԶՈւ ուժը:

Էրդողանն ասել է, որ Թուրքիան անհրաժեշտության դեպքում պատրաստ է աջակցել եղբայրական ժողովուրդներին աշխարհի տարբեր տարածաշրջաններում և աշխատանքներ է տանում այդ ուղղությամբ:

Էրդողանը նաև նշել է, որ Անկարան տարածքային պահանջներ չի ներկայացնում որևէ երկրի և չի խառնվում այլ պետությունների ներքին գործերին: «Ես կրկին բացահայտ հայտարարում եմ` Թուրքիան հավակնություններ չունի որևէ երկրի հողի, ինքնիշխանության և միասնության նկատմամբ»,- ասել է նա: