Ադրբեջանցի զինվորականները ստացել են Bayraktar-ի կառավարման հավաստագրեր

Թուրքիայի զինված ուժերի Bayraktar ԱԹՍ-ներ արտադրող Baykar ընկերության  տեխնիկական տնօրեն և Թուրքիայի նախագահ Ռեջեփ Թայիփ Էրդողանի փեսա Սելչուկ Բայրաքթարն Ադրբեջանի զինված ուժերի ուսումնական կենտրոնում անօդաչու թռչող սարքեր կառավարելու ունակության մասին վկայագրեր է հանձնել Ադրբեջանի զինված ուժերի մի խումբ զինծառայողների: Այս մասին Բայրաքթարը հայտնել է իր թելեգրամյան տեսանյութում:

Հիշեցնենք, որ Արցախյան վերջին պատերազմի օրերին տեղեկություններ էին տարածվում, որ թուրքական ԱԹՍ-ները ղեկավարվում են թուրք զինվորականների կողմից, սակայն ադրբեջանական կողմից հերքվում էր թուրքական ներկայությունը. սա փաստացի հավաստում է, որ այն ժամանակ ադրբեջանցիները դեռ չեն կարողացել կառավարել ԱԹՍ-ները։