Ռուսաստանը հնարավոր է համարում Լեռնային Ղարաբաղի իրավիճակի շուրջ դեմառդեմ շփումներն ԱՄՆ-ի հետ

Ռուսաստանը հնարավոր է համարում Լեռնային Ղարաբաղի իրավիճակի շուրջ դեմառդեմ շփումներն ԱՄՆ-ի հետ: Այս մասին ՏԱՍՍ-ին հայտնել է Ռուսաստանի Դաշնության ԱԳ փոխնախարար Սերգեյ Ռյաբկովը:

«Լեռնային Ղարաբաղի հարցի շուրջ ԱՄՆ-ի հետ կապերը կշարունակվեն: Շատ հավանական են դեմառդեմ շփումները՝ կախված տարածաշրջանում տիրող իրավիճակից: Այդ թվում՝ ընտրություններից առաջ»,- ասել է նա:

ԱՄՆ Պետդեպարտամենտը չի նշել Ադրբեջանի եւ Հայաստանի միջեւ Լեռնային Ղարաբաղում հրադադարի շուրջ վերջին պայմանավորվածություններում Ռուսաստանի դերը, բայց դա չի ազդի այս հարցում ռուս-ամերիկյան երկխոսության վրա: «Պետդեպարտամենտի մեկնաբանության մեջ պարզապես Ռուսաստանի եւ այս համաձայնության ձեռքբերման մեջ մեր դերի մասին մի հիշատակում կա: Մենք դա ինքներս մեզ համար նշեցինք որպես փաստ, բայց դա չի խանգարի ամերիկացիների հետ երկխոսությանը այս խնդրի բովանդակային կողմի վերաբերյալ»,- ասել է Ռյաբկովը: