Հունգարիա-Սերբիա սահմանին հայտնաբերվել է ապօրինի ներգաղթյալների երեք թունել

Հունգարիայի և Սերբիայի սահմանին հայտնաբերվել է երեք թունել՝ սահմանային տարածքների շրջանների հատման նպատակով. հայտնում է Hungary Today-ը՝  Հունգարիայի ոստիկանության մամուլի ծառայությանը հղումով:

Գերատեսչության տվյալներով՝ առաջին թունելը հայտնաբերվել է Կատիմար գյուղի ծայրամասում, երկրորդը՝ Չիկեր գյուղի մոտ, իսկ երրորդը՝ Կելեբի գյուղի ծայրամասում: Ընդհանուր առմամբ, բոլոր թունելները տեղակայված են Բաչ-Կիշկուն շրջանում, որտեղ էլ վերջին շրջանում աճել է միգրանտների կողմից սահմանն անցնելու անօրինական փորձերի թիվը, հետևաբար՝ դաշտային տեղանքների վերահսկողությունն ավելի ինտենսիվ է դարձել:

Իրավապահները զննել են թունելները և հսկողության տակ վերցրել դրանք այնքան ժամանակ, քանի դեռ դրանք չեն փակվել: