Բաքու-Բրյուսել համաձայնագիր. ԵՄ-ն հրաժարվո՞ւմ է ճանաչել Ղարաբաղը որպես Ադրբեջանի մաս

Ադրբեջանի և Եվրամիության միջև ստորագրվելիք ռազմավարական գործընկերության մասին համաձայնագրի բովանդակությունը շարունակում են գաղտնի պահել, քանի որ փաստաթղթի տեքստում Լեռնային Ղարաբաղը չի նշվում որպես «Ադրբեջանի անբաժան մաս»: Այդ մասին իր ֆեյսբուքյան էջում գրում է Իսլամական համագործակցության կազմակերպությունում  Ադրբեջանի նախկին դեսպան Արիֆ Մամեդովը. հայտնում է Minval.az-ը:

Նրա խոսքով` ԵՄ-ն հանդես է գալիս այդ դրույթի դեմ:

«Օրինակ` փաստաթղթերում, որոնք ԵՄ-ն ստորագրել է Վրաստանի, Ուկրաինայի և Մոլդովայի հետ, այդ երկրների օկուպացված տարածքները նշված են որպես դրանց անբաժան մասեր»,- գրում է Մամեդովը:

Պաշտոնական Բաքուն դեռ չի մեկնաբանել այդ տեղեկությունը: