Հայաստանի մասին Սորոսի գրառումը սադրանք է. Վարդան Ոսկանյան

Սորոսի նման գրառումները Հայաստանի ներքին կյանքին խառնվելու փորձ են: Այս մասին այսօր լրագրողների հետ զրույցում ասաց իրանագետ Վարդան Ոսկնայանը` անդրադառնալով «Բաց հասարակություններ» հիմնադրամի ղեկավար Ջորջ Սորոսի` Հայաստանում ժողովրդավարության մասին գրառմանը:

«Ակնհայտ է, որ թեև մեր պետությունը տարածքով ու տնտեսական հնարավորություններով սահմանափակ է, սակայն սեփական շահ ունեցող երկիր է, ու մենք պետք է որոշենք, թե մեր պետությունն ինչպիսի ուղեծրով է  զարգանում: Որևէ միլիոնատեր` լինի Սորոսը, թե` մեկ այլ անձ, իրավունք չունի խառնվելու Հայաստանի ներքին կյանքին: Ու մենք մեր հասարակական գիտակցության մակարդակով պետք է հասկանանք Հայաստանի շահերն ու չտրվենք նման սադրանքների»,- ասաց բանախոսը:

Նա ընդգծեց` Սորոսի գրառումն իրապես սադրանք է, որովհետև այդպիսի սադրանքների պատճառով հնարավոր է Հայաստանի որոշ գործընկերներ, որոնք, մեղմ ասած, հիացած չեն պարոն Սորոսի գործունեությամբ, որոշակի կասկածներ ունենան: