Իմ հրաժարականը կարող է լինել երկու դեպքում. Արամ Սիմոնյանը հանդիպեց ուսանողների հետ

Տեղեկացրել էինք, որ այսօր «ԵՊՀ ռեստարտ» նախաձեռնությունը բողոքի ակցիա է նախաձեռնել: Ուսանողները պահանջում են ԵՊՀ ռեկտոր Արամ Սիմոնյանի հրաժարականը, բուհի հոգաբարձուների խորհուրդը լուծարել, բուհում ֆինանսական աուդիտ անցկացնել, ինչպես նաև ՈՒԽ-ի և արհիմիության գործունեությունը կասեցնել:

ԵՊՀ ռեկտոր Արամ Սիմոնյանը հանդիպեց ուսանողների հետ: Նա նշեց, որ ուսանողների պահանջներն իրավաչափ չեն: Ինչ վերաբերում է իր հրաժարականին, ապա, Սիմոնյանի խոսքով, դա կարող է լինել երկու դեպքում: «Երբ ռեկտորը դիմում է տալիս, և հոգաբարձուների խորհուրդը հետ է կանչում նրան ու քվեարկում, որպեսզի նա թողնի պաշտոնը: Երկու դեպքն էլ իրավական հողի վրա են: Ես օրինապաշտության կողմնակից եմ և կարծում եմ՝ ամեն ինչ պետք է օրենքով արվի»,- ասաց Սիմոնյանը:

Խոսելով հոգաբարձուների խորհրդի լուծարման մասին՝ նա ասաց, որ խորհուրդն ընտրում է կառավարությունը, ոչ թե ռեկտորը: