2016 թվականի բյուջեի կատարողականն ընդունվեց

ԱԺ արտահերթ նիստում ձայների` 53 կողմ, 22 դեմ, 1 ձեռնպահ  հարաբերակցությամբ ընդունվեց ՀՀ 2016 թվականի պետական բյուջեի կատարման մասին հաշվետվությունը:

Մինչ քվեարկությունը՝ վարման կարգով ելույթ ունեցավ «Ելք» խմբակցության ղեկավար Նիկոլ Փաշինյանը և նշեց, որ դեմ է այս հաշվետվությանը: Նա խորհուրդ տվեց, որ ընդդիմությունը չմասնակցի քվեարկությանը: Ըստ պատգամավորի` եթե ընդդիմությունը չմասնակցի, կատարողականի հաշվետվությունը չի ընդունվի, քանի որ կոալիցիոն գործընկերները քիչ են դահլիճում:

«Ծառուկյան» խմբակցության քարտուղար Վահե էնֆիաջյանը հակադարձեց նրան, որ իրենց խմբակցությունը չքվեարկելու համար հիմքեր չի տեսնում:

Քվեարկությունից հետո Փաշինյանը նշեց, որ իրենց դիտարկումը ճիշտ էր, և եթե ընդդիմությունը չքվեարկեր, կատարողականի հաշվետվությունը չէր ընդունվի: