Թուրքիայում սիրիացի երկու լրագրողի վիզ են կտրել

Թուրքիայի Շանլըուրֆա (Եդեսիա) քաղաքում կտրել են արաբական «Այն Ուաթան» թերթի երկու լրագրողներ Իբրահիմ Աբդուլքադիրի և Ֆիրազ Համադիի վիզը:

Ինչպես տեղեկացնում է Demokrathaber-ը՝ միջադեպը տեղի է ունեցել Աթաթուրքի անունը կրող թաղամասում: Նրանց այդ վիճակում հայտնաբերել են բարեկամները, երբ եկել են տուն:

Պնդել են, որ երկու լրագրողները, ովքեր Թուրքիա են եկել, Սիրիայի պատերազմից փախչելով, «Իսլամական պետության» դեմ հոդվածներ են հրապարակել:

Թուրքիայի ոստիկանությունը կատարվածի հետ կապված հետաքննություն է սկսել: Այդ գործով ցուցմունք կտան նաև լրագրողների  դին հայտնաբերած և ոստիկանությանը դիմած 7 սիրիացիներ: