Ոչ ոք ԵՊՀ-ում այդքան «վիզ չի դրել» բնագիտական առումով տարկետումների համար. ԵՊՀ ռեկտոր

Ոչ ոք ԵՊՀ-ում այդքան «վիզ չի դրել» բնագիտական առումով տարկետումների համար. ուսանողների հետ հանդիպման ժամանակ ասաց ԵՊՀ ռեկտոր Արամ Սիմոնյանը:

Նշենք, որ այսօր «ԵՊՀ ռեստարտ»-ը բողոքի ակցիա էր կազմակերպել. պահանջներից մեկը ռեկտորի հրաժարականն է: Արամ Սիմոնյանը նշեց նաև, որ թեև ինքը նշել է, որ, այո, բանակին զինվորներ պետք են, սակայն գիտությանն էլ գիտաշխատողներ են պետք:

Ուսանողներից մեկը հետաքրքրվեց, թե արդյո՞ք ռեկտորը չի կարծում, որ ուռճացված է բուհի վարչական աշխատողների թիվը: Սիմոնյանը պատասխանեց, որ ինքն այդ կարծիքին չէ: «Ես մի շարք մարդկանց կրճատել եմ ու դեռ էլի կրճատելու եմ: ԵՊՀ-ն ընդամենը 4 ռեկտոր ունի. ոչ մի բուհ այսքան քիչ ռեկտորներ չունի»:

Խոսելով բուհի բյուջեի մասին` ԵՊՀ ռեկտորն ասաց, որ իրականում բուհի բյուջեն շատ փոքր է: «Մեր բյուջեն շատ ավելի քիչ է, քան բարձր կարգի որևէ ֆուտբոլիստինը»,- ասաց նա: