Ղրղզստանի նախկին նախագահին դատապարտել են ցմահ բանտարկության

Ղրղզստանի նախկին նախագահ Կուրմանբեկ Բակիեւը եւ նրա կրտսեր եղբայրը՝ պետպաշտպանության ծառայության նախկին ղեկավար Ժանըբեկ Բակիեւը, մեղավոր են ճանաչվել 2010 թվականի ապրիլի 7-ին զանգվածային սպանություն կազմակերպելուն մասնակից լինելու մեջ եւ հեռակա կարգով դատապարտվել են ցմահ բանտարկության՝ ունեցվածքի բնագրավմամբ. հայտնում է Интерфакс-ը:

Բակիեւներից բացի, մեղավոր են ճանաչվել եւ 25 տարվա ազատազրկման դատապարտվել եւս երկու նախկին պաշտոնյաներ:

Հիշեցնենք, որ 2010 թվականի ապրիլի 7-ին Բիշքեկի կենտրոնում բախում տեղի ունեցավ իշխանության եւ ընդդիմության միջեւ: Ավելի քան 80 մարդ զոհվեց, 300-ը վիրավորվեց: Իրադարձությունների զարգացման արդյունքում տեղի ունեցավ իշխանության փոփոխությունը, եւ Բակիեւը փախավ Բելառուս: Պաշտոնական Բիշքեկը պահանջեց վերադարձնել նրան, սակայն մերժում ստացավ: