Պուտինի այցի նախաշեմին վարչապետն ինչո՞ւ է այցելել Գյումրի

Վարչապետ Տիգրան Սարգսյանն այսօր այցելել է Շիրակի մարզ:

«Գալա»-ն այս առնչությամբ գրում է, որ Գյումրիում արդեն մի քանի օր է` խոսակցություններ են շրջանառվում, որ որոշ օբյեկտներ նախատեսված է հանձնել ռուսական կողմին: Ավելին` նախքան Տիգրան Սարգսյանի այցը նշվում էր, որ հենց այդ նպատակով է ՀՀ կառավարության ղեկավարը լինելու Գյումրիում:

Տիգրան Սարգսյանի հետ Շիրակի մարզ են այցելել քաղաքաշինության նախարարության մասնագետներ, ինքը՝ նախարարը, ուղեկցում են նաեւ Շիրակի մարզպետն ու Գյումրիի քաղաքապետը:

ՀՀ քաղաքաշինության նախարարն այսօր լրագրողների հետ զրույցում չի հերքել այդ լուրերը, որ ռուսական կողմին տարածքներ են հանձնվելու: Միայն թե կոնկրետ չի հստակեցրել, այլ միայն շեշտել է, որ պետք է սպասել ՌԴ նախագահ Վ.Պուտինի այցին: Այդ ժամանակ կստորագրվեն ինչ-ինչ փաստաթղթեր, եւ հանրությանը հայտնի կդառնան որոշակի մանրամասներ: Մանրամասներն` այստեղ: