Կարեն Ավագյանը եղբորը ''փող ուտելու պաշտոն''-ի տեղավորեց

«168 ժամ»-ը գրում է. «Մեր տեղեկություններով՝ Աժ ՀՀԿ-ական պատգամավոր Կարեն Ավագյանի հարազատ եղբայրը՝ Արթուր Ավագյանը, օրերս նշանակվել է Երևանի Վ. Բրյուսովի անվան պետական լեզվաբանական համալսարանի Վարչատնտեսական և սոցիալական հարցերով պրոռեկտորի պաշտոնում։ Բուհերում, սովորաբար, դա կոչում են «փող ուտելու պաշտոն»։

Արթուր Ավագյանը մինչ այդ աշխատել է Պետական գնումների գործակալությունում։ Հիշեցնենք, որ Աժ ՀՀԿ-ական պատգամավոր Կարեն Ավագյանն էլ, ով նաև արդեն 3 տարի՝ ՀՀԿ Երիտասարդական կազմակերպության խորհրդի նախագահն է, ըստ լրատվամիջոցների հրապարակումների՝ ցանկանում էր դառնալ Երևանի պետական բժշկական համալսարանի (ԵՊԲՀ) ռեկտոր։

Ըստ նույն ԶԼՄ-ների՝ «Նա ներկայումս պաշտպանում է դոկտորականը, որը պարտադիր նախապայման է ռեկտորի պաշտոնին «նշանակվելու» համար»։ Ամենազավեշտալին, սակայն, Կ. Ավագյանի՝ 2011 թ, պաշտպանած ատենախոսության թեման էր նույն Բժշկական համալսարանում՝ «Ուսանողների առողջական վիճակի հիմնախնդիրները և լուծման ուղիները» հուզիչ վերնագրով, որի արդյունքում ստացավ բժշկական գիտությունների դոկտորի գիտական աստիճան»։