Հռոմի պապն ու թվագիտությունը

Երեկ ընտրվեց Հռոմի կաթոլիկ եկեղեցու նոր առաջնորդ` արգենտինացի կարդինալ Խորխե Մարիո Բերգոլիոն, ով, որպես Հռոմի պապ, կրելու է Ֆրանցիսկ անունը` ի պատիվ Ֆրանցիսկ Ասիզացու: Նա գահին կբազմի մարտի 19-ին:

Պատմության մեջ առաջին անգամ Հռոմի պապ է ընտրվել ճիզվիտ եւ Լատինական Ամերիկայի ներկայացուցիչ: Համացանցում նա արդեն ստացել է Papa Argentino` «արգենտինացի պապ» անունը. տեղեկացնում է Росбалт-ը: 

Մինչ շատերը նրան «աղքատների հույս» են անվանում, քանի որ Ֆրանցիսկը հայտնի է իր համեստ ապրելակերպով եւ աղքատներին օգնելով, ի հայտ են եկել մարդկկ, ովքեր վատ կանխագուշակումներ են անում նրա ընտրվելու կապակցությամբ: Այսպես, ըստ թվագիտության, Papa Argentino-ի տառային հաշվարկով ստացվում է 13 թիվը: Բացի այդ` նա ընտրվել է 2013 թվականի մարտի 13-ին, որի գումարը նույնպես տալիս է 13 թիվը:

Հայտնի է, որ աշխարհի տարբեր մշակույթներում 13 թիվը համարվում է դժբախտություն բերող: Որոշ հավատալիքների համաձայն` ամսի 13-ին է սատանա գայթակղել Եվային եւ Կայենը սպանել Աբելին: