ԺԱՄԱՆԱԿ. Նավասարդ եպիսկոպոսի օբյեկտը` JOSE

Մեր աղբյուրները հայտնում են, որ Երեւանի կենտրոնում` Խանջյան փողոցում, գործող JOSE համալիրը պատկանում է Արարատյան հայրապետական թեմի առաջնորդական փոխանորդ Տ. Նավասարդ Կճոյանին:

Ակնհայտ է, որ համալիրը վերջնական տեսքի բերելու համար անհրաժեշտ է եղել ներդնել միլիոնավոր դոլարներ: Թե սանիկներից որ մեկն է այդ միլիոնները նվիրաբերել Սրբազանին, մնում է միայն գուշակել: Նավասարդ արքեպիսկոպոս Կճոյանը սերտ հարաբերություններ ունի Հանրապետական կուսակցության, հատկապես` վարչապետ Տիգրան Սարգսյանի հետ, որի հովանավորությամբ էլ, ըստ ամենայնի, կառուցվել եւ ընդլայնվում է JOSE-ն:

Հիշեցնենք, որ JOSE սրճարանին անդրադարձել էր «Երկիր» օրաթերթը եւ դրա ոչ հայատառ գրությունների վրա հրավիրել պատկան մարմինների արձագանքը, սակայն մինչ այժմ որեւէ մեկը չի արձագանքել եւ ոչ մի փոփոխություն տեղի չի ունեցել: