Իսրայելը կմեկուսանա, իսկ Իրանի դերը կաճի

Եգիպտոսում տեղի ունեցող դեպքերը գունավոր հեղափոխություն չեն, եւ դրանց արդյունքում արաբական աշխարհում լուրջ փոփոխություններ են սպասվում. այսօր լրագրողների հետ հանդիպման ժամանակ ասաց քաղաքագետ Ալեքսանդր Իսկանդարյանը եւ ավելացրեց. «Ժամանակը ցույց կտա` հեղափոխություն կլինի՞, թե՞ ոչ»:

Քաղաքագետի համոզմամբ` Եգիպտոսում գլուխ են բարձրացնում իսլամիստները, ինչի արդյունքում հնարավոր է, որ մեկուսանա Իսրայելը, իսկ Իրանի դերը տարածաշրջանում մեծանա:

Նրա համոզմամբ` Թուրքիան զգույշ է,  բայց փորձում է դեր խաղալ, իսկ եթե Եգիպտոսում իշխանության անցնեն իսլամիստները, ապա Թուրքիայի համար հեշտ կլինի աշխատել նրանց հետ:

Ալեքսանդր Իսկանդարյանը կարծում է, որ  տեղի ունեցող դեպքերն ալիք չեն, եւ նույնը Հայատանում տեղի ունենալ չի կարող: «Հայաստանում կան բողոքի պատճառներ, բայց դրանք այլ են: Այստեղ չի կարող  հեղափոխություն լինել միայն այն պատճառով, որ Եգիպտոսում հեղափոխություն է»,- հավելեց Իսկանդարյանը: