Հնդկաստանում ժամանակավորապես արգելափակել են Telegram-ը

Հնդկաստանում մինչև հունիսի 22-ը արգելափակվել է Telegram հավելվածը. այդ ժամանակահատվածում դիմորդները պետք է վերաքննություն հանձնեն։ Լուրը հայտնում է Հնդկաստանի թեստավորման ազգային գործակալությունը։

«Այս միջոցառումը ձեռնարկվել է հասարակական կարգի շահերից ելնելով, քանի որ խարդախները 2026 թվականի հունիսի 21-ին հարթակն օգտագործել են բժշկական ընդունելության քննությանը մասնակցողներին խաբելու համար»,– ասվում է հայտարարության մեջ:

Քննությունն անցկացվել է մայիսին, սակայն արդյունքները չեղարկվել են քննական նյութերի արտահոսքի հետ կապված սկանդալի պատճառով:

Կրթական գործակալության տվյալներով՝ Հնդկաստանի կառավարությունը որոշել է սահմանափակել Telegram-ը, երբ այլ քայլերը, այդ թվում՝ համակարգված հեռացումները, չեն կարողացել կանխել քննական հարցերի կեղծ պատասխանների տարածումը: Գործակալությունը նշել է, որ նման նյութեր գոյություն չունեն քննական համակարգից դուրս, և դրանք տրամադրելու խոստումները խարդախություն են: