Մեզ մանդատ են տվել այս իշխանություններին վռնդելու համար. Արթուր Վանեցյան

Քննադատությունը, որ կա հանրության մեջ խորհրդարանական ընդդիմադիր ուժերի նկատմամբ, որ չենք արդարացրել հույսերը, պետք է հասկանանք, որ 8-րդ գումարման ԱԺ-ն սովորական պայմաններում չի ձևավորվել․ «Հայկական օրակարգ» պանելային քննարկման ժամանակ ասաց «Պատիվ ունեմ» խմբակցության պատգամավոր Արթուր Վանեցյանը:

«Սա առաջին ԱԺ-ն է պարտությունից հետո, կապիտուլյացիոն բնույթի փաստաթուղթ ստորագրելուց հետո, երբ խորհրդարանական ընտրությունները տեղի ունեցան ակտիվ փողոցային պայքարից հետո: Այսինքն՝ հանրությունը, որը մոտ 8-9 ամիս գտնվում էր ակտիվ փողոցային պայքարում, այն ընդդիմադիր գործիչներից, որոնց մի մասն այսօր հայտնվել է խորհրդարանում, ուներ սպասելիք և տվել էր մանդատ ոչ թե գնալ խորհրդարանում կառուցողական ինչ-որ աշխատանք իրականացնելու իշխանությունների հետ, այլ մեզ տրվել է մանդատ այս իշխանություններին վռնդելու, քշելու և ստանձնելու երկրի կառավարման պատասխանատվությունը»,- ասաց նա: