Խտրականություն Ադրբեջանում այն դիմորդների նկատմամբ, որոնց ընտանիքում կորոնավիրուսի դեպք է գրանցվել

Ադրբեջանում քննություններին դիմած դիմորդները կստորագրեն մի փաստաթուղթ, ըստ որի անցած 15 օրվա ընթացքում ոչ ոք իրենց ընտանիքի անդամների շրջանում չի հիվանդացել կորոնավիրուսով: Այս մասին երկուշաբթի հայտարարել է Պետական քննական կենտրոնի ղեկավար Մալեյքա Աբբասզադեն. հայտնում է «Թուրան» գործակալությունը։

Եթե ընտանիքն ունի վարակված անձ, ապա այդ դիմորդը հունիսին չի հանձնելու ընդունելության քննություն: Նման ուսանողներին թույլատրվելու է քննությունները հանձնել սեպտեմբերին: Սա նշանակում է, որ դիմորդն այս տարի կկարողանա վկայական ստանալ, բայց չի կարողանա ընդունելության քննությունը հանձնել համալսարան ընդունվելու համար, - մանրամասնել էր Աբբասզադեն:

Երեկ էլ Ադրբեջանում ցույցեր էին տեղի ունենում՝ բուհերում երկրորդ կիսամյակի համար վարձերը չվճարելու և քննությունները հետաձգելու համար։ Ուսանողները դեմ են վճարել այն կիսամյակի համար, որին նրանք չեն մասնակցել կորոնավիրուսի պատճառով։ Ցույցերի հետևանքով կան մի քանի ձերբակալվածներ։