Բուհերի մասով վարչապետը քաղաքական հայտարարություն է արել. Մարուքյան

«Լուսավոր Հայաստան» խմբակցության ղեկավար Էդմոն Մարուքյանը համաձայն է վարչապետ Նիկոլ Փաշինյանի այն դիտարկմանը, թե բուհերը պետք է ապաքաղաքական լինեն, բայցև նշում է. «Պետք է ուշադիր լինել, որ «Քաղաքացիական պայմանագիր» կուսակցությունից որևէ մեկը չընդգրկվի նոր ձևավորվող բուհերի կառավարման խորհուրդներում: Մինչդեռ ես տվյալներ ունեմ, որ արդեն կան կառավարման խորհուրդներ, որտեղ ինչ-որ ուժերից մարդիկ կան ներգրավված»:

 Անդրադառնալով վարչապետի այն հայտարարությանը, թե ուսանողի վրա դուռ փակած ռեկտորներն այլևս տեղ չունեն նոր Հայաստանում,  խմբակցության ղեկավարն ասաց. «Եթե ես ճիշտ եմ հասկացել` խոսքը ԵՊՀ ռեկտորի մասին է: Վարչապետն արել է քաղաքական հայտարարություն, դրանից կարող է նույն ռեկտորն իր մեղքը զգալ, կարող է և` ոչ»: