Թուրքիայում երկրաշարժի զոհերի թիվը հասել է 3381-ի, իսկ Սիրիայում 711

Սիրիական Հալեպ, Լաթաքիա, Համա և Տարտուս նահանգներում, որտեղ ավերածություններ են գրանցվել երկրաշարժի հետևանքով, զոհվել է ավելի քան 700 մարդ, վիրավորվել՝ 1430-ը։ Այս թվերը վերաբերում են միայն Սիրիայի իշխանությունների կողմից վերահսկվող տարածքներում, իսկ ահաբեկիչների կողմից օկուպացված սիրիական հողերում տեղի ունեցած երկրաշարժի հետևանքով, ըստ սիրիական ԶԼՄ-ների, մահացել է մոտ 700 մարդ:

Թուրքիայում հզոր երկրաշարժի զոհերի թիվը հասել է 3381-ի. հայտնել է երկրի արտակարգ իրավիճակների կառավարման վարչության երկրաշարժերի և ռիսկերի նվազեցման բաժնի գլխավոր տնօրեն Օրհան Թաթարը։

«Այս պահին ունենք 3381 զոհ, 20436 վիրավոր»,- լրագրողների հետ զրույցում ասաց նա։

Ընդհանուր առմամբ փլուզվել է 5575 շենք։

Երեկ վաղ առավոտյան Մարաշ նահանգում 7,4 մագնիտուդ ուժգնությամբ երկրաշարժ է տեղի ունեցել։  Ռեջեփ Թայիփ Էրդողանի խոսքով՝ այն դարձել է ամենաուժեղը 1939 թվականից ի վեր։ Երկրաշարժից ամենաշատ տուժած քաղաքը Այնթափն է: