28 03 2024
|
||
---|---|---|
EUR | ⚊ | 425.62 |
GBP | ⚊ | 497.65 |
GEL | ⚊ | 146.23 |
RUB | ⚊ | 4.27 |
USD | ⚊ | 394.46 |
ԱՄՆ պաշտպանության նախարար Լլոյդ Օսթինը թուրք գործընկեր Հուլուսի Աքարի հետ հեռախոսազրույցում մտահոգություն է հայտնել Սիրիայի հյուսիսում տիրող իրավիճակի վերաբերյալ։
«Նա մտահոգություն է հայտնել Սիրիայի հյուսիսում ռազմական գործողությունների սրման կապակցությամբ... ներառյալ վերջին ավիահարվածները», - ասվում է Պենտագոնի հայտարարության մեջ:
Օսթինը «դեէսկալացիայի կոչ է արել և հայտարարել է, որ գերատեսչությունը խիստ դեմ է Սիրիայում թուրքական նոր ռազմական գործողությանը»: Միաժամանակ Պենտագոնի ղեկավարը «հաստատել է ԱՄՆ-ի և Թուրքիայի միջև ռազմավարական հարաբերությունների կարևորությունը»։
Միևնույն ժամանակ, Թուրքիայի ազգային պաշտպանության նախարարությունը հայտարարություն է տարածել, որ Հուլուսի Աքարը զրույցի ընթացքում ասել է, որ «հակաահաբեկչական գործողություններն իրականացվում են Թուրքիայի ինքնապաշտպանության իրավունքի շրջանակներում, որը բխում է ՄԱԿ-ի Կանոնադրության 51-րդ հոդվածից։ Գործողությունների նպատակն է ապահովել խաղաղ բնակչության անվտանգությունը և երկրի սահմանները»։
Աքարը հավելել է, որ Թուրքիան պատրաստ է համագործակցել ԻՊ-ի և այլ ահաբեկչական կազմակերպությունների դեմ պայքարում։ Նա ընդգծել է, որ Թուրքիայի գործողությունների միակ թիրախը ահաբեկիչներն են, կոալիցիոն ուժերին կամ խաղաղ բնակչությանը վնաս հասցնելը բացառվում է։