Կադրային տեղափոխություններ` ոստիկանությունում

ՀՀ ոստիկանապետ Վալերի Օսիպյանը ոստիկանության մարզային ստորաբաժանումների ղեկավարներ է նշանակել: Այս մասին տեղեկանում ենք ոստիկանության կայքից:

Մասնավորապես` ոստիկանության գնդապետ Արմեն Գասպարյանը նշանակվել է Ոստիկանության Արարատի մարզային վարչության պետ: Նա մինչ այդ եղել է Ոստիկանության Արաբկիրի բաժնի պետը:

ՀՀ Ոստիկանապետի մեկ այլ հրամանով Ոստիկանության գնդապետ Սևան Քոչարյանը ազատվել է Ոստիկանության Արարատի մարզային վարչության պետի պաշտոնից և նշանակվել է Ոստիկանության Շիրակի մարզային վարչության պետ:

Վայոց Ձորի մարզային վարչության պետ է նշանակվել ոստիկանության Շիրակի մարզային վարչության նախիկին պետ Գրիգոր Գրիգորյանը: