Մոսկվան Ադրբեջանի հետ քննարկում է Արցախում ռուս խաղաղապահների հետագա ճակատագիրը

Մոսկվան ադրբեջանական կողմի հետ քննարկում է ԼՂ-ում խաղաղապահների ներկայության հետ կապված բոլոր հարցերը: Այս մասին հայտարարել է ՌԴ փոխարտգործնախարար Միխայիլ Գալուզինը, փոխանցում է РИА Новости-ին։

Նա հիշեցրել է, որ ռուսական խաղաղապահ զորախումբը տեղակայվել է Լեռնային Ղարաբաղի հակամարտության գոտում՝ համաձայն Ռուսաստանի, Ադրբեջանի և Հայաստանի ղեկավարների 2020 թվականի նոյեմբերի 9-ի եռակողմ հայտարարության։

«Ստեղծված իրավիճակում ոչ ոք չի չեղարկել այդ փաստաթուղթը, որը նախատեսում է, որ մեր խաղաղապահները տարածաշրջանում կլինեն 5 տարի, այսինքն՝ մինչև 2025 թվականի նոյեմբերը՝ հետագա երկարաձգման հնարավորությամբ:

Իհարկե, իրավիճակը «տեղում» կտրուկ փոխվել է այն բանից հետո, երբ Հայաստանի ղեկավարությունը որոշում է ընդունել ճանաչել Ղարաբաղի սեփականությունը Ադրբեջանի կողմից, որն ապահովվել է ԵՄ հովանու ներքո անցկացվող գագաթնաժողովներում՝ սկսած 2022 թվականի հոկտեմբերին Պրահայի հանդիպումից։

Այժմ մենք Ղարաբաղում խաղաղապահների ներկայության հետ կապված բոլոր հարցերը դիտարկում ենք բացառապես ադրբեջանական կողմի հետ: Դա տեղի է ունենում փոխադարձ հարգալից և կառուցողական մթնոլորտում»,- ընդգծել է նա։