Մահացել է Թուրքիայի ԳՇ նախկին պետը

Թուրքիայում 79 տարեկան հասակում մահացել է զինված ուժերի նախկին պետ Յաշար Բյույուքանըթը: Թուրքիայի ԶՈւ շտաբի 25-րդ պետը պաշտոնավարել է 2006-2008 թթ.: Բյույուքանըթը հայտնի էր իր ազգայնական հայացքներով, եղել է Հայոց ցեղասպանության դեմ պայքարի ջատագովներից: Նրա պաշտոնավարման ժամանակ է մահացել «Ակօս» թերթի խմբագիր Հրանտի Դինքը (2007 թ. հունվարիի 19):

Դինքի փաստաբան Ֆաթհիյե Չեթինը ժամանակին հայտարարել էր, որ Բյույուքանըթն ու այն ժամանակ վարչապետ Ռեջեփ Թայիփ Էրդողանը համատեղ փորձում են ստվեր գցել Դինքի սպանության վրա:

Նշենք նաև, որ Բյույուքանըթը «Էրգենեքոն»-ի ղեկավար անձանցից էր: «Էրգենեքոն»-ը գաղտնի կառույց էր Թուրքիայում, որի հետևում կանգնած են զինվորականներ ու աշխարհիկ դասի ներկայացուցիչներ (և ոչ միայն): Իսլամական հայացքներ ունեցող Էրդողանի և նրա՝ «Արդարություն և զարգացում» կուսակցության՝ իշխանության գալուց հետո պայքար սկսվեց զինվորականների և չափավոր իսլամականների միջև, որում հաղթանակ տարավ Էրդողանը՝ իրեն ենթարկելով տասնամյակներ շարունակ չենթարկվող զինվորականությանը: