կարևոր
2887 դիտում, 1 տարի առաջ - 2023-01-17 19:49
Արցախ

ԳՇ նախկին պետը մտահոգված է Արցախի ճանապարհի բացմամբ. News.am

ԳՇ նախկին պետը մտահոգված է Արցախի ճանապարհի բացմամբ. News.am

Իմ միակ մտահոգությունն այս պահի համար Արցախի ճանապարհի բացումն է, մեր արցախցի հայրենակիցների ազատ տեղաշարժի իրավունքի ապահովումը: Այս մասին NEWS.am-ի հետ զրույցում նշեց Զինված ուժերի գլխավոր շտաբի նախկին պետ Արտակ Դավթյանը, ով չցանկացավ պատասխանել իր նկատմամբ հարուցված քրեական գործին:

Հարցին, թե իր արդյոք դիվանագիտական ճանապարհով պետք է բացվի ճանապարհը, նա պատասխանեց. «Ճանապարհը պետք է բացվի, ինչ միջոցներով եւ ինչ եղանակով, դա արդեն աշխատանքի արդյունք է: Իհարկե, առաջնահերթությունը դիվանագիտությանն է»:

Այլ հարցերի նա չպատասխանեց:

Հիշեցնենք, որ Արտակ Դավթյանին մեղադրանք է առաջադրված Դավիթ Տոնոյանի գործով: Դավիթ Տոնոյանն անցնում է ռազմամթերքի մատակարարման չարաշահումների գործով։ Քրեական գործի շրջանակներում մեղադրանք է առաջադրվել նաեւ ՀՀ ԶՈՒ ԳՇ պետ Արտակ Դավթյանին, ԶՈՒ ԳՇ պետի նախկին տեղակալ Ստեփան Գալստյանին, Պատրոն Դավո մականունով հայտնի, զենքի մատակարարմամբ զբաղվող գործարար Դավիթ Գալստյանին։

Աղբյուրը՝  NEWS.am