Քրեակատարողականի նախկին պետը «չի կարողացել ներկայանալ»

ՀՀ արդարադատության նախարար Հովհաննես Մանուկյանն այսօր ՀՀ ԱՆ քրեակատարողական ծառայության աշխատակիցներին է ներկայացրել վարչության նորանշանակ պետ Արթուր Օսիկյանին: Այս մասին բավական ծավալուն հաղորդագրություն է տարածել արդարադատության նախարարության մամուլի ծառայությունը: Պարզվում է՝ քրեակատարողականի նախկին ղեկավար Հայկ Հարությունյանը «չի կարողացել ներկայանալ հանդիպմանը»:

Նախարարը հայտնել է, որ քրեակատարողական համակարգն ու դատապարտյալների կենցաղային պայմանները բարելավվելու նպատակ ունեն: Մանուկյանն Օսիկյանին հանձնարարել է տարեվերջին հանրությանը հաշվետվություն ներկայացնել՝ ի՞նչ է հաջողվել իրականացնել և ի՞նչ ծրագրեր են իրականացվելու առաջիկայում:

Օսիկյանն ասել է. «Բոլոր նրանք, ովքեր իրենց աշխատանքը կկատարեն ազնիվ ու արդար, միասին` ուս ուսի տված, կգնանք առաջ: Մենք միասին ամեն ինչ անելու ենք դատապարտյալների իրավունքները պաշտպանելու համար: Ես հաստատակամ եմ` համակարգի առջև դրված խնդիրները պատվով կատարելու համար»: