Դադաևը խոստովանել է իր մասնակցությունը Նեմցովի սպանությանը

Զաուր Դադաևը`ռուս ընդդիմադիր Բորիս Նեմցովի սպանության գործով որպես մեղադրյալ ներգրավվածներից մեկը, խոստովանել է սպանությանը իր մասնակցությունը. հայտնում է РИА Новости-ն:

Բասմաննի դատարանի որոշմամբ՝ Դադաևի կալանքի ժամկետ է սահմանված մինչև ապրիլի 28-ը:

Ավելի վաղ ՌԴ ՔԿ-ն միջնորդություն է ներկայացրել հինգ կասկածյալի ձերբակալման համար: 

Հիշեցնենք, որ ավելի վաղ Известия-ն հայտնել էր, որ ՌԴ քննիչները չեն բացառում, որ Նեմցովին կարող են սպանած լինել ուկրաինական հատուկ ծառայությունների պատվերով: Իսկ սպանության կազմակերպիչներ կարող էին դառնալ  Ջոհար Դուդաևի գումարտակից չեչեն զինյալներ: Գումարտակը Ուկրաինայի արևելքում կռվում է ինքնահռչակ Դոնեցկի և Լուգանսկի հանրապետությունների դեմ: