Թրամփը որոշել է՝ այս պահին Իրանի դեմ ռազմական գործողությունները վերսկսելու անհրաժեշտություն չկա. Ռուբիո

ԱՄՆ նախագահ Դոնալդ Թրամփը որոշել է, որ այս պահին Իրանի դեմ խոշոր ռազմական գործողությունները վերսկսելու անհրաժեշտություն չկա։ Այս մասին հայտարարել է ԱՄՆ պետքարտուղար Մարկո Ռուբիոն։

«Իրանի վրա տնտեսական ճնշումն այնքան ավերիչ է և այնքան լավ է աշխատում, որ նախագահը որոշել է, որ այս պահին խոշոր ռազմական գործողությունների անհրաժեշտություն չկա», - ասել է Ռուբիոն Փարիզում կայացած մամուլի ասուլիսում։

Ավելի վաղ «The Hill» թերթը հայտնել էր, որ Իրանի դեմ Վաշինգտոնի ռազմական ծախսերը հասել են 47 միլիարդ դոլարի, ինչը վերջին մեկ ամսվա համեմատ 3 միլիարդ դոլարով ավելի է։

Հիշեցնենք՝ ԱՄՆ-ն և Իսրայելը Իրանի դեմ պատերազմ են սկսել փետրվարի 28-ին, երբ հարվածել են Իրանի տարածքում գտնվող օբյեկտներին, ինչին իրանական կողմն արձագանքել է պատասխան հարվածներով։ 

Հունիսի կեսերին Թեհրանն ու Վաշինգտոնը ստորագրեցին ռազմական գործողությունների դադարեցման մասին հուշագիր, սակայն ավելի ուշ փոխադարձ հարվածները կրկին սկսվեցին։

ԱՄՆ, Իսրայել-Իրան հակամարտությունը մնում է չկարգավորված։

Հորմուզի նեղուցի պարբերաբար փակ լինելու պատճառով նավթի գներն անընդհատ տատնվում են։