Թրամփը 60 օրվա ընթացքում կգնահատի Ռուսաստանի դեմ պատժամիջոցների ազդեցությունը․ Ռուբիո

ԱՄՆ նախագահ Դոնալդ Թրամփին մինչև 60 օր կպահանջվի՝ Ռուսաստանի դեմ պատժամիջոցներ սահմանելու հետևանքները գնահատելու համար։ Ինչպես հայտնում է Reuters-ը, այս մասին հայտարարել է ԱՄՆ պետքարտուղար Մարկո Ռուբիոն։

«Կարծում եմ՝ նախագահը ցանկանում է օգտագործել այս 60-օրյա ժամանակահատվածը՝ վերլուծելու համար, թե ինչ կնշանակի պատժամիջոցների և մաքսատուրքերի սահմանումը համաշխարհային տնտեսության, ինչպես նաև հենց ԱՄՆ տնտեսության համար»,- նշել է պաշտոնյան։

Ավելի վաղ Թրամփի ստորագրած հրամանագրով հրահանգվել է չկիրառել մի շարք պատժամիջոցներ, սահմանափակումներ և մաքսատուրքեր, որոնք նախատեսված էին Ռուսաստանի և Իրանի դեմ պատժամիջոցների մասին վերջերս ընդունված օրենքով։