Հայաստանում լռության օր է

Հունիսի 20-ին կայանալիք արտահերթ խորհրդարանական ընտրություններից առաջ այսօր Հայաստանում լռության օր է: Երեկ երեկոյան քաղաքական ուժերի ներկայացուցիչներն ամփոփել են քարոզարշավը և իրենց խոսքը հղել ընտրողներին: Նախընտրական քարոզչությունն այսօր արգելվում է ԸՕ-ով:

Կեսգիշերից հետո արգելված է ցանկացած քարոզչություն, այդ թվում` լրատվամիջոցներով, որպեսզի ընտրողները հնարավորություն ունենան մտածելու, թե որ քաղաքական ուժին են տալու իրենց ձայնը։

Նախընտրական քարոզարշավը մեկնարկեց հունիսի 8-ից և տևեց 12 օր։

Հիշեցնենք, որ արտահերթ խորհրդարանական ընտրություններին մասնակցելու է 26 ուժ՝  22 կուսակցություն և 4 դաշինք։ Ընտրողների ընդհանուր թիվը 2 միլիոն 583 հազար 823 է: