Թշնամիները վախենում են Իրանի գիտական անկախությունից. իրանցի գեներալ

Բրիգադային գեներալ Ահմադ-Ռեզա Փուրդաստանը, ընդգծելով նահատակ Մոհսեն Ֆախրիզադեի անհատականության գծերը, հայտարարել է. «Նահատակ Ֆախրիզադեն բարոյականության և գիտական առումով եղել է խորաթափանց մարդ, իսկ թշամիները սպանել են այդ մեծ մարդուն վախից և հիասթափությունից»։

«Թշնամիները վախենում են իսլամական Իրանի գիտական հեղինակությունից, քանի որ գիտական հեղինակությունը երկրի՝ իմպերիալիզմից անկախության հիմքն է»,- հավելել է նա:

Իրանի պաշտպանության նախարարությանը և զինված ուժերին աջակցող՝ հետազոտությունների և նորարարության կազմակերպության ղեկավար Մոհսեն Ֆախրիզադեն նահատակվել էր Թեհրանի հյուսիսային ծայրամասում գտնվող Աբսարդ քաղաքում տեղի ունեցած ահաբեկչության արդյունքում: